بص وشوف يامعلم وخلي الرجوله تتكلم مهما هتبعد وتعاند برده مننا هتتعلم
كلمه هقولهالك في ودنك استرجل وبلاش تتهشتك خليك بارد وسقيل بس اوعي تبيع مناديل
الي يضايقك طنش والي يعاندك فركش وارمي همومك ورا دهرك وخليك دايما مفرفش
اضحك دايما يابرنس وتملي خليك فريش مش مستاهله تتضايق علي حاجه متستاهلش
هتقولي عالم عيال هقولك طنش وكلم فريال ولما تلاقي راجل تصاحبه خليك دايما ليه ميال
اسرح دايما بخيالك وعيش ياعم في أحلامك وخليك باصص قدامك يبني أصلها متستهلش
متزعلش ياعم وفوق وخليك دايما زوق بكري تروق وتحلي وعالي باعك هتسوق
حب كل الناس بشياكه واوعي تتعلم التتناكه والي يبيعك بيعه حتي ولو بحتة شيكولاته
متسرحش بالبنات واسترجل واوعي في يوم تستندل ده الي بييجي علي بنت في زمنا حاله بيبقي منيل
خليك رومنسي وطيب وبلاش عالناس تعيب ده الي خلقك ربك وممكن في لحظه تشييب
استرجل واحترم والدك ومتنساش تبوس ايد مامتك وحسسهم دايما برجولتك
إحفظهم جوه عينيك والجنه هتبقي في ايديك ومتنساش ربك الي خلقك وابكي بدموع عينيك
ناس كتير هتكرهك بس ناس أكتر هتحبك متحيرش نفسك في حوارات وكلم الي هيروقك
عامل الناس بحنيه وبطل شغل الأنانيه وهتحس بحب الناس بس اصبر شويه
كلم أي حد وش ومتندمش علي حاجه متستهلش والي انهارده بجنيه بكري يبقي بقرش
خلاصة الكلام عشان قربت انام:استرجل وخليك كول واضحك دايما علي طول ومتجيش علي حد غلبان وخليك من جوه انسان فهمت ولا أقول كمان؟
موضوع: استرجل (اغنيه راب من تأليفي) 
الجمعة ديسمبر 30, 2011 2:44 am
