مرة اتنين اغبية كانوا ماشيين طلع عليهم اسد راح واحد رمى عليه طوبة و قعد يجرى و بص وراه لقى زميله واقف ما بيجريش ليه ؟ قاله واجرى ليه هو انا اللى ضربته
مرة واحدة حامل ابنها الصغير بيسالها ايه اللى فى بطنك ده يا ماما قالتله : ده اخوك يا حبيبى .....تانى يوم فى المدرسة المدرس ساله : انت عندك اخوات ؟ قاله : كان عندى واحد بس ماما اكلته
مرة تلميذ بيسال الاستاذ بيقول له : هو ممكن يعاقب الانسان على حاجة معملهاش ؟ قاله له : لا طبعا ، ففرح التلميذ اوى و قاله له خلاص انا معملتش الواجب
توام بيقول لاخوه التوام و هو متنرفزا : انت كنت فين ياعم امك حمتنى مرتين
واحد متجوز و قاعد فى البيت و بيبص كتير فى عقد الزواج ، مراته قالت له: "بتبص فى عقد الزواج ليه يا حبيبى ؟ قالها " مش عارف يا حياتى الماذون كتب تاريخ انتهاء العقد فين
واحد نشر فى اعلانات مبوبة : مطلوب زوجة !!! تانى يوم جاله 100 جواب فيهم نفس الرد : تاخد بتاعتى
مرة اتنين متاخرين على المدرسة الاستاذ بيسال الاول انت ايه اللى اخرك قاله كانت فيه 5 جنية ضيعة منى و بدور عليها فمسك التانى و قاله وانت ايه اللى اخرك قال اصل انا اللى كنت دايس عليها
اخترعوا في امريكا آله بتمسك الحرامية
جربوها في امريكا خلال 30دقيقه مسكت20 حرامي
في انجلترا خلال 30 دقيقه مسكت 50 حرامي
في اسبانيا خلال 30 دقيقه مسكت 65 حرامي
في غانا خلال 30 دقيقه مسكت 600 حرامي
7
7
7
7
7
في مصر خلال 15 دقيقه الماكينه اتسرقت
صعيدى مراته جابت بنت الساعه 3 مساءا ذبح البنت بسبب انه بيقول ماعندى بنات تيجى اخر الليل
مره واحد كان ماشي علي الطريق بسرعة ومعاه مراته و فجأه شاف في المرايه شرطي عمال يشاور له عشان يوقف العربيه
وجه الشرطي وقاله: أنت سايق فوق 180 كيلو في الساعه والطريق سرعته 80 كيلو في الساعه علشان كده هاعملك مخالفه
الراجل... معلش انا كنت فوق 80 بشويه مش كتير
الزوجه : ...... لا انت كنت ماشي علي 180 كيلو
الزوج: .... نظرة حقد وغل لمراته
الشرطي: .... وكمان مخالفه علشان الكشاف الخلفي مكسور
الراجل: .... مكسور ازاي انا ما اعرفش انه مكسور
الزوجه : .... ايوه انت عارف ان الكشاف مكسور من كم اسبوع
الزوج: ..... نظرة حقد وغل لمراته
الشرطي: .... ومخالفه كمان لانك مش رابط حزام الامان
الراجل: ....... ده انا لسه فاكك الحزام دلوقتي لما وقفت
الزوجه : .... لا لا لا ده انت عمرك ما ربطت الحزام
الزوج في غيظ صرخ : .... انتي مابتعرفيش تسكتي ابدا
الشرطي يقول للزوجه : .... هو دايما بيزعقلك كده
الزوجه : .... لا بس لما بيكون سكران
الشرطي : .... سكران ؟ !!
الراجل: .... لا ما تصدقهاش
الزوجه: ... صدقني احنا لسه لاقيين قزازة خمره في العربية لما سرقناها
الشرطي: .... يعني العربية مسروقه ..؟ !!!
الراجل: ... سيبك منها الله يهديك وانتي اسكتي ولا عليا الطلاق اطلقك الشرطي : .... هو دايما كده يهددك بالطلاق .. ؟؟؟
الزوجة: .... مش لما يتجوزني الأول وبعدين يحلف بالطلاق
موضوع: نكت مضحكه جدا 
السبت فبراير 27, 2010 6:19 pm
