مشوار حياتى الدلتاوى

بما انى خلصت و هتخرج السنادى فمستنى منكم اسألتكم حول هذا المشوار الجميل و انا واثق ان كلكم نفسكم تخلصوا الدراسه بس انا نفسى ارجع لسنه اولى تانى كانت احلا ايام بالنسبالى مستنى مشاركتكم و ارجو تكون الصراحه مبدأ موضوعنا و مش تقلقوا فانا لا اخجل من الاجابه بصراحه و ياريت كل واحد او واحده يعرفنى باسمه فى البدايه و الفرقه الكام اللى هو فيها و يبدأ بأسألته

السلااااااااام عليكم

انا ولاء في رابعه

اهلا بيك منور المنتدي

ايه اللي مخليك مبسوط من المعهد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

رغم اني مش مبسوطه ونفسي اخلص

انا مبسوط علشان زى ما شوفت فيه ايام مش حلوه بس شوفت فيه ايام اكتر احلى و انا كنت زيك نفسى اخلص بس دلوقتى بعد ما اتخرجت بصراحه نفسى ارجع تانى سنه اولى بس انا عايز اعرف ايه اللى مدايقك و علشانه عايزه تخلصى

ماليش اصحاب

صحابي خانوني رغم حبي لهم باخلاص والله

وعمري ماحبيت ازعل حد لو زعلتهم بيبقي غصب عني

وبتاسف لكن انا بهون عليهم بحس اني وحيده علشان كدا عايزه اخلص في اسرع وقت

بصى لولو انا اتعودت على قاعده ان اللى يبعنى معتش يلزمنى اكيد هتعرف على ناس احسن بس لو اعرف موقف من اللى حصلك علشان افهم واعرف ارد عليكى صح بس لو حبيتى انا ممكن اكون صحبك وصحبتك وبابا وماما وكل حاجه فى حياتك دا لو حبيتى

انت صح الى يبيعك ميلزمكش تانى وبعدين مفيش حاجة مستاهلة انك تبكى عليها ياولاء بس كل الى اقدر اقولهولك زى مافى الحلو فى الوحش واحنا ممكنن كون صحاب لانى مليش صحاب خالص

فعلا احنا اصحاب ولا يهمك من اى حاجه ولو احتجتى اى حاجه فى اى وقت انا هنا و موجود لاى مساعده اقدر اعملهالك

ميرسي على الموضوع الجميل دا ياناصر وانك بتحاول تكون قريب من زمايلك موفق انشاء الله

شكرا ليكي يا اميره انتي وناصر علي مشاعركوا دي

اميره انا هبعتلك رساله بايميلي اوك

وانت ياناصر احنا اصحاب واخوات بعا في المنتدي

وبشكرك جدا علي مشاعرك واوعدك لو احتاجت حاجه هكلمك

شكرا ياولاء الرسالة جاتلى وضيفتك ياقمر انشاء الله نقدر نعمل حاجة كويسة

يارب ياجميل

انا بقا فى الفرقه التالته
وعلى الرغم من انى نفسى اخلص بقا الدراسه واشوف مستقبلى
فانا برضو مش هاين عليا اسيب صحابى اللى اتعرفت عليهم وقضينا ايام حلوه مع بعض

ايام الكليه حلوه ومتتعوضش ومحرله فى العمر لو معشنهاش دلوقتى مش هنعيشها بعد كدا

لان الدنيا هتلهينا

وبس منورررين

على فكرة انا احد االخريجين تانى دفعة 2005 اتخرجنا وبجد على الرغم ما كان فى ايام مش سعيدة بس بجد انا زعلان على الايام اللى عدت منى فى الدلتا بدون ما استمتع بيها صح
والحمد لله على كل حال وبقلكوا اللى يسبكوا مش تستاهلوا تفكروا فية او تزعلوا عليه معايا يا ولاء ويارب كل ايامكوا جميلة وبجد دى اجمل ايام انا هنزل الدلتا قريب ازاى ممكن حتى اتشرف بيكوا
انا هنزل وكمان فى معيدين دفعتى معاكو جاى اسلم عليهم