ازيك الأول يا غالية يا مسلمة يا حفيدة خديجة وعائشة يا موحدة بالله يامن كرمك الله تكريما يامن حفظك الإسلام من كل سوء وأنتي أردت بنفسك السوء يا جوهرة الإسلام المحفوظة
في البداية يا غالية كلامي ليكي أنتي.ايوا ليكي والله ليكي أنتي بالذات كمان آه معرفكيش بس اعرف انك مسلمة وبتحبي ربنا اوووووي وجواكي خير كتير اوووووووووووي كمان يا غالية.صح ولا ايه؟؟
بصي يا عسل انتي كلامي ليكي عن الحجاب
هتقولي يوووووووووووووووووه تاني الحجاب إحنا اتكلمنا في الموضوع ده كتير لحد ما زهقنا منه اصلا
هقولك معلش كملي رسالتي ليكي للآخر يا حبيبة قلبي مش هتخسري حاجة لو قرأتي والله
مش هتتحجبي بقى؟ حجاب صح بقى؟ لابسة ضيق وحاطة مكياج وتقوليلي محجبة؟ ده حجاب؟ ربنا قال (يا أيها النبي قل لأزواجك وبناتك ونساء المؤمنين يدنين عليهن من جلابيبهن ولا يبدين زينتهن) صدق الله العظيم
وأنتي عاملة حجاب يبدي زينتهن.ده حجاب يا غالية؟ لابسة محزق وملزق ومكياج وبرفان ده اسمه حجاب؟ اتقي الله يا غالية وتوبي لربك خافي على نفسك كفاية تخدعي نفسك مش هتقدري تخدعي ربنا. كفاية تخدعي نفسك وتقولي محجبة وكووويسة اووووووي كفاية مش هتقدري تخدعي ربنا
ارحمي نفسك من نار جهنم انتي مش ادها . روحي مستشفى وزوري قسم الحرائق هتشوفي نار الدنيا عاملة ايه في الناس ودي نار الدنيا ونار الآخرة فضلت عليها بسبعين.كنت في مستشفى بعنبر الحريق واحد ملفوف بشاش ومراهم بقولي بقالي شهر 30 يوم والنار والعة فيا.. ودي نار الدنيا. ما بالك بنار الآخرة
ربنا امرني وامرك ونساء المسلمين بالحجاب اللي يصون الجسم حجاب لا يصف ولا يشف حجاب لا يظهر مفاتن المرأة عشان يحافظ عليها من كل سوء
مش أما تحبي حد بترضيه يعني لو اتخطبتي وحبيبك قالك حاجة وطلب منك طلب مش هتفذيه؟ أكيد هتنفذيه....أكيد هتنفذيه عشان ده حبيبك وخطيبك؟ يعني أما تتخطبي وخطيبك يقولك متحطيش مكياج والبسي حجاب صح عشان أنا بغير عليكي ومش عاوز الناس تشوفك.. أكيد هتنفذي طلبه
فما بالك بقى ربنا ورب حبيبك هو اللي امرك بأمر هل تتجاهليه ولا تجري جري تنفذيه عشان يرضى عنك؟؟هااا جاااوبيني يا حبيبة قلبي
ليه مش عاوزة تتحجبي حجاب صح..اصل الحجاب مش طرحة تغطي الشعر وخلاص لالالالالا ياجميل ده الحجاب شئ يحفظ الجسم والمفاتن.الحجاب جاية من الحجب يعني الستر
عارفة الرسول قال (إن الله تعالى حيي ستير) أي يحب الحياء والستر..والحياء والستر في الحجاب..مش نفسك ربنا يحبك ويرضى عنك ده لو ربنا حبك ورضا عنك يا سعدك يا هناكي والدنيا كلها هتبقى بمبي بمبي بمبي في وشك هههههههه آه والله
تخيلي كده ماشية بحجابك محدش شايف مفاتنك خالص ومحافظة على نفسك وبتاخدي حسنات انك مش بتفتني حد يعني بترجعي البيت بجباااااااااااال حسنات بدل جبال السيئات اللي كنتي بتاخديها وانتي لابسة ضيق وكأنك اسفه مش لابسة حاجة يعني كاسية عارية بمعنى لابسة وكأنك مش لابسة... وده صنف من الناس لا يدخل الجنة ولا يجد ريحها حتى زى ما الرسول قال.
عاااارفة نفسك تتجوزي البنات كلها نفسها تتجوز بس الزوج اللي هيجيلك عشان احترامك واحتشامك وتدينك أفضل مليوووووون مرة من اللي هيجيلك عشان جمالك ومفاتنك اللي مبيناها يا عسل آه والله اصل الجمال بيروح مش بيدوم محدش بيدوم على حاله اما احترامك واحتشامك وايمانك ده اللي هيدووووم معاكي في الحياة وبعد عمر طووووويل ليكي هتلاقي ده حسنات عند ربنا في صحيفتك
خدي بااااااالك الموووووووووووووووووت انتي هتموتي لوحدك يعني محدش ينفعك غير عملك الصالح وطاعتك لربنا
الاغاني والشباب والمعاكسات واللبس والبرفان ده كله
مش هينفعك ومش هيدخل معاكي القبر ولا اقرب صاحبة ليكي ولا الشب اللي تعرفيه والشباب اللي بتكلميهم والله ولا مامتك حتى هتدخل معاكي القبر
الموووووووت ده بيجي فجأة يعني مبيستأذنش قبل ما يجي بيجي فجأة كده ويا صابت يا خابت يعني يا تموتي على طاعة أو تموتي لاحول ولا قوة إلا بالله على معصية
وانا عارفة انك نفسك تموتي على طاعة عشان ربنا يرضى عنك وخدي باااااالك وحطيها في دماغك (( من عاش على شئ مات عليه ومن مات على شئ بعث عليه يوم القيامة))
والموت ميعرفش لاكبير ولاصغير وأكيد سمعتي عن كتير ياما شباب ماتو وشيوخ كتير كمان يعني متقوليش هتوب اما اكبر هتوب اما أتجوز هبدا اصلي اما أتجوز..متسوفيش وتقولي بس لكن اما ه...ياقلبي والله الموت مبيعرفش كبير او صغير
عارفة لو ربنا مش بيحبك مكنتيش هتقري رسالتي ليكي دي مكنتش هتوصلك بس ربنا بيحبك وعاوزك ترجعيله وتقوليله يااااااااااارب تبت ليك ورجعت ليك يااارب أنا فرط في حقك كتير ياحبيبي سامحني ياااارب واغفرلي ذنوبي ياااااااارب
عارفة اما تتوبي لربنا مش بيمسح سيئاتك ده بيبدلها حسناااااااااااات شفتي كرم ربنا عليكي وعليا وعلى الكل
حاجة كمان يا جميلة يا غالية على قلبي جداااا ليه كلام الشباب والمعاكسات والصحوبية او بتكلمي ده وتقفي مع ده ليييييه لفت نظر الشباب ليك يده ربنا حرم أي علاقة من أي نوع بين البنت والولد قبل الزواج عشان يحافظ عليكي وعلى نساء المسلمين
ده ربنا حافظ عليكي تقومي انتي تصغري نفسك وترخصي نفسك أه والله انتي اكبر من انك تصغري نفسك بكلام شب انتي غااااااااالية حطي في دماغك كده انك غاااااااالية جوهرة محدش له حق فيها إلا زوجك بس
اصل صدقيني اللي بتكلميه وتقفي معا هده مش هيتجوزك ولا حاجة وانتي في نظره واحدة رخيصة اوووووووووي لأنه بيتسلى بس اما يتجوز هيدور على المحترمة المحتشمة اللي مكلمتش حد قبل كده ومحافظة على نفسها واهلها
أه والله في دراسات اثبتت إن المنتقبات او المختمرات أو اللي لابسين إسدال اكتر ناس يتجوزا بسررررعة لأن الناس بقيت فاهمة وعاوزة المتدينة اللي محافظة على نفسها وصاينة اهلها وعايشة حياتها مع ربنا مش اللي بتعرض نفسها للناس وتحط مكياج
اللي بيلمك ده ميرضاش لأخته انها تكلم حد ولو عرف انها بتكلم حد يبقى نهاااااارها مش معدي هيعمل فيها عمايل.ههههه اكيد عارفه ايه اللي ممكن يحصلها
وكمان يا حبيبة قلبي المكياج حرااام.حطي مكياج في بيتك عادي ظبطي نفسك جوه البيت والبسي جينز وضيق وحطي مونوكير كمان والله وبدي وقصير عاااااااادي بس جوه البيت اما بره محتشمة بحجااااااابك بتطيعي ربك محدش شايف منك حاجة يعني مش لازم الأمة كلها تعرف انك حلوة وعسولة وتشوفك وانتي حاطة مكياج ولابسه ضيق وتشوف مفاتني
طب انتي بتحطي مكياج بره البيت لمين؟بتتجملي وتتزيني لمين؟ طب هو انتي مش واثقة في خلق ربنا اللي خلق كل شئ جميل؟
احذري احذري واياااااااااااااااكي من النمص يعني الأخذ من شعر الحااااجب.حديث عن حبيبك النبي(لعن الله النامصة والمتنمصة) ياااااااااااااه حاسة المعني يعني ملعووووووونة ومطرووووده من رحمة الله.طب لي كل ده تطردي نفسك من رحمة ربنا عشان شعرة في حاجب؟خاب وخسر من طرد من رحمة الله والله
ودي قصة حقيقة حصلت هي واحدة كوافيره وتابت لربنا من النمص بتقول جت لها مدام وكده تعمل حواجبها وهي خلصتلها وكان لسه شعرة مش راضية تتشال والمدام مصممة إنها تشيلها اعدت تحاول تشيلها لحد ماشلتها وفي الحال المدام دي ماتت. اثبت الأطباء بقى إن سبب الوفاة إن الشعرة كانت متصلة بعرق متصل بالمخ اما اتشالت الشعرة انقطع العرق ده وماتت في الحال..بقيت الكوافيرة تروح لكل واحدة بتعمل كده للسيدات وتقولهم القصة اللي حصلت معاها عشان يتوبوا
شوفي ربنا اما بيحرم حاجة بيبقى له حكمة في كده وكمان حماية لينا وحفاظ علينا يا غالية ويعني مش الشعره اللي هتأثر في جماالك انتي طبيعي جميلة جمال رباني من خلق الرحمن جل في علاه
وكماااااااااان ياغالية ايااااااااكي تحطيب رفان وانتي خاااارجة.عارفة الرسول قال إن أي امرأة خرجت متعطرة وشم ريحها الرجال فهي زااااااااااااااانية..ياااااااه عارفة زانية يعني ايه يعني عرش الرحمن يهتز من كبر حجم الذنب اللي عملتيه يالله تبقي زانية وربنا غضبان عليكي عشان شوية برفاان؟؟ده يصح؟؟ ده إحنا بنطمع في رضا ربنا وستره علينا؟تيجي انتي تغضبيه اووووووووي كده
شوفي يا غالية ربنا بيسترك وصبر عليكي مع انك بتعصيه لحد دلوقتي.اللي صابر عليكي وساترك وانتي بتعصيه وبتغضبيه؟أما تتوبي له وتطيعيه ياترى هيعمل معاكي ايه؟؟
يااااااااااااااه ده ربنا رحيم اووووووووووووي وودووووووووووود اووووووووووووي وغفووووووووووووور وصبوووووووووووور اووووووووووووي
فعشان خاطري وخاطر اهلك اللي تعبوا عشان تتعلمي ونفسهم يفرحوا بيكي وتفوقك وعشان خاطر ربنا ورسوله حافظي على نفسك يا بنت الإسلام لا تخلعي عنك الحجاب فتندمي هذا الحجاب يزيد وجهك بهجة والناس حولك كالذئاب الحوم..آه والله كالذئاب بتنهش فيكي وفي مفاتنك اللي مبيناها واقطعي علاقتك بأي شب تعرفيه لأنك كده بتخوني ربنا والله
عارفة ربنا بيغير وغيرة الله إن تنتهك محاااارمه وأعظم انتهاك لحرمات الله انك تعلقي قلبك بغيره وبتخوني ثقة اهلك فيكي
ياغالية ترضي كده لنفسك يا بنت الاسلام ياللي ربنا كرمك وخلاكي مسلمة؟
مستنيااااااكي نروح سوا لجنة الدنيا ونعيش فيها ونتجمع في الآخرة إن شاء الله
وأخيرا يا عسل اوعي متهتميش برسالتي ليكي ربنا خلاني اوصلهالك عشان بيحبك وعشان ميبقاش ليكي حجة يوم القيامة لو لا قدر الله موتي على معصية وخلي شعارك ( لئن غلبني الشيطان بالأمس
لاقصمن ظهره اليوم بتوبتي وحسن عبادتي)
لو احتجتي اي حاجة او عندك مشكلة او نفسك تفضفضي مع حد هتلاقيني معاكي مش هتخلى عنك أبدا أصلك غااالية عندي اووووووووووي هستناكي اصل عارفة إن جواكي خير كثير وبتحبي ربنا اووووووووووووي
[/center]
esmaiel
المساهمات : 823 تاريخ التسجيل : 17/10/2011 العمر : 31 الموقع : on serameeeeeeeek
موضوع: رد: للبنات وبسسسس. الخميس فبراير 23, 2012 5:28 pm
انا عارف ان الموضوع للبنات
بس هو عجبنى فعلن والله
جزاكى الله خيرا
اللهم استرنا فوق الارض واسترنا تحت الارض واسترنا يوم العرض عليك
mrmr
المساهمات : 409 تاريخ التسجيل : 28/08/2011 العمر : 37
موضوع: رد: للبنات وبسسسس. السبت فبراير 25, 2012 1:44 am
موضوعك حلو
بس نصيحه هو مش محتاج كل الاطاله دي
المواضيع دي محتاجه ما قل ودل علشان محدش يمل
ومش عارفه ليه انا حاسه انك نقلاه
ياريت ياجماعه اللي تنقل موضوع تقول ده مش عيب
ياريت ماتزعليش مني
الغرباء
المساهمات : 67 تاريخ التسجيل : 23/02/2012
موضوع: رد: للبنات وبسسسس. الثلاثاء فبراير 28, 2012 12:45 am
شكرا لمروركم الرسالة انا اللي كتباها يا غالية في ورقه عادية بعدين كتبتها ع الوورد وحفظتها على الكمبيوتر عندي مش كتباها قريب ده من زمااااااااااااااااااان ومحفوظة عندي ع الكمبيوتر بملف وورد مش زعلانة ولا حاجة انا لسه مشتركة ف المنتدى واما اكتب حاجة من منتديات تانية بكتب ف اخرها منقول فرصة سعيدة يا مرمر
....
المساهمات : 356 تاريخ التسجيل : 18/01/2012 العمر : 34
موضوع: رد: للبنات وبسسسس. الجمعة مارس 02, 2012 9:01 pm
جزاكي الله خيرا وربنا يبارك فيكي موضوع جميل اوي
mrmr
المساهمات : 409 تاريخ التسجيل : 28/08/2011 العمر : 37
موضوع: رد: للبنات وبسسسس. الجمعة مارس 09, 2012 2:19 pm
انا اسعد ياجميل
وعادي ده كان رايي
بنت من الزمن دا
المساهمات : 126 تاريخ التسجيل : 05/03/2012 العمر : 31 الموقع : شاطئ البحر
موضوع: رد: للبنات وبسسسس. الجمعة مارس 09, 2012 9:18 pm
موضوع: للبنات وبسسسس. 
الخميس فبراير 23, 2012 3:22 pm
وربنا يبارك فيكي 