حبيبة قلبي.مستنية اييه..ادخلي يا غالية

جريمه شنعااااااااااااااااااااااااء.. نعم جريمه شنعاء... لان اثار هذه الجريمه لا تعود على من فعلها فقط ..بل على غيره من الشباب والبنات والمجتمع الاسلامى بأسره كبارا وصغارا.. وللاسف تصدر هذه الجريمه من مصدر الحب والعطف والحنان فى المجتمع .. ممن كرمها الاسلام وحرم وأدها واعلى شأنها وساواها بغيرها فى معظم المعاملات.. من المرأه المسلمه .. انا عايز انهارده اكلم كل أخت .. واقولها يا اختى ياللى بتصلى وبتصومى وحافظه القران كله بل وبتقيمى الليل ..بس متبرجه.. احذرى ..!!! انتى فاكره نفسك ماشيه فى طريق الجنه وانتى والله لن تقربيها ولا حتى تشمى ريحها الا ان تتوبى ..!! انا لما اشوف اختى ماشيه وقدامها حفره وهتقع فيها وهى مش واخده بالها لازم احذرها .. بعد كده لو وقعت ..يبقى هى اللى اختارت !! الى كل اخت معانا فى المنتدى اولا قبل اى حد تانى ..لان ربنا يعلم الواحد بيعتبركم زى اخواته بالظبط .. والى كل أخت فى اى مكان .. الى كل اخت بتصلى وبتصوم وبتقرا قرآن وفاكره ان لبسها محترم .. بقولها يا اختى مفيش حاجه اسمها لبس محترم ولبس مش محترم .. مفيش حاجه اسمعها بنطلون واسع وبنطلوق ضيق .. مفيش حاجه اسمها بدى لوحده وبدى فوقه بلوزه.. مفيش حاجه اسمها بنطلون وفوقه تونيك.. فيه حاجه اسمها الزى الشرعى الاسلامى كما وصفه الله ورسوله.. انا هكلمك انهارده ..ولو شديت عليكى متزعليش ..لانى خايف عليكى .. ده الرسول نفسه عليه الصلاه والسلام خايف عليكى وقالك (يا معشر النساء تصدقن وأكثرن الاستغفار فإني رأيتكن أكثر أهل النار) وعايز اعرف منك ايه اللى السبب فى لبسك ده ؟؟ مستنيه ايه علشان تلبسى اللبس الشرعى ؟؟؟؟ مستنيه ايه؟؟ مستنيه موت الفجاه يجى ياخدك؟؟ يا جماعه انا خايف ان تيجى واحده يوم القيامه تقول انتو مكامتونيش اختك.. امك.. بنتك .. تيجى تقولك انت محذرتنيش ليه؟؟ تعالو نعرف ليه التبرج جريمه بل وجريمه شنعااااااااااااااء... انتى عارفه يا اختى .. لو نزلتى الشارع و100 واحد بصلك ..ب 100 سيئه مفيش مشكله لو نزلتلى الجامعه والف واحد بس من الالو ف دى بصلك كل واحد بص ميه بصه بس100000 سيئه لو واقفه مع شله مباركه فى الجامعه ساعه ولا ساعتين كل واحد بصلك 100 بصه ده غير لو شاب من الشباب المحترم اللى عينهم هيئه ارصاد جابك من فوقك لتحتك ربع ساعه يعنى كمان الف بصه.. لو نزلتى يا أختى تتفسحى بالليل وكل واحد مشباب بالليل بقى اللى ميتوصوش مش هنقول بصلك 20 بصه هنقول عشر بصات هترجعى اليت بكام سيئه كل ده ولا حاجه ده انتى لسه قبل ما تنزلاى وقفتى قدام المرايه ساعه ولا اتنين تعدلى الطرحه وتلفيها فوق وتحت وتحطى حبه مكياج على حبه روايح كله بحسابه..!! نزلتى..واحده فى اعدادى شافتك قالت انا هطلع زيك فى ميزانك.. شاب ملتزم شافك انتكس فى ميزانك.. شاب شافك شهوته ثارت راح عمل عاده سريه فى ميزانك.. واحد تانى لما شافك راح اجوز عرفى فى ميزانك.. واحد تانى لما شافك راح زنا فى ميزانك.. واحد تانى لما شافك نفسه اتفتحت قعد يبص على اللى الرايحه واللى جايه طول الليل فى ميزانك.. واحده ملتزمه لما شافتك فتنت بنظر الناس ليكى خلعت الجاب فى ميزانك.. بنتك لما تكبر وتشوف صورك وتقول انا هطلع زيك يا ماما فى ميزانك.. بوش وليفنى وغيرهم لما يشوفكى انتى وبنات المسلمين بالمنظر ده ويفرحوا يبقى انتى شمتى اعداء الاسلام فى الاسلام فى ميزانك.. متبرجه مباركه..!! ربنا تقبل منك الساعتين اللى وقفتيهم قدام المرايه .. كل ده يجيله كام سيئه .. مليون سيئه على الاقل فى اليوم..!!! طيب ده انتى بقالك 5 سنين بالمنظر ده .. هنقول 2000 يوم فى مليون سيئه..!! ده احنا بقينا بنلعب فى مليارات دلوقتى..!!! والعداد شغال طول ما فساتينك فى دولابك الا ان تتوبى.. طيب حكم رسول الله فيكى ايه .. من اهل النار ولا تقرب الجنه ولا تجد ريحها..1 ملعونه مطروده من رحمة الله..2 زانيه ولا يقبل منها صلاه..3 منافقه ومن شر هذه الامه..4 من صاحبات الكبائر التى تعادل القتل..5 جند من جنود الشيطان فى الارض...6 عمرك شفتى ذنب الرسول بيعظم خطورته قد كده..!!!!! الكلام ده جبته منين ..؟؟؟ من كلام النبى عليه الصلاة والسلام.. (قال الرسول صلى الله عليه وسلم " صنفان من أهل النار لم أرهما ، قوم معهم سياط كأذناب البقر يضربون بها الناس، ونساء كاسيات عاريات ، مائلات مميلات ، رؤوسهن كأسنمة البخت المائلة ، لا يدخلن الجنة و لا يجدن ريحها ، وإن ريحها يوجد في مسيرة كذا وكذا ") والرسول حطك مع الظلمه اللى بيضربوا الناس بالكرابيج ليه ..علشان انتو اللى اتنين بتحطموا فى الامه...بتترتكبوا جريمه.. اعدائنا عرفوا ان الامه مش هتتدمر بالقنابل ..بل بكاس وغانيه.. ترضى انك تبقى قنبله تنفجر فى الدين..ترضى انك تبقى سكينه ينطعن بيها كبد الدين.. اديكى رضيتى..!!! (سيكون في آخر أمتي رجال يركبون على سروج كأشباه الرحال ،ينزلون على أبواب المساجد ،نساؤهم كاسيات عاريات ،على رؤوسهن كأسنمة البخت العجاف ،العنوهن فإنهن ملعونات ) (لعن الله النامصه والمتنمصه) (لعن الله الرَّجُلَة من النساء) اللعنه يعنى الطرد من رحمة الله ..ترضى كده؟؟ (أيما امرأة استعطرت فمرّت بقوم ليجدوا ريحها فهي زانية) (ما من امرأة تخرج إلى المسجد تعصف ريحها فيقبل الله منها صلاة حتى ترجع إلى بيتها فتغتسل) (خير نسائكم الولود الودود المواسية المواتية إذاً اتقين الله وشر نسائكم المتبرجات المتخيلات ، وهن المنافقات ، لا يدخل الجنة منهن إلا مثل الغراب الأعصم) اميمه بنت رقيقه عندما جاءت تبايع النبى قال لها ابايعك على ان لا تشركى بالله شيئا ولا تسرقى ولا تزنى ولا تاتى ببهتان ولا تبرجى تبرج الجاهليه.. يعنى حط التبرج مع بقيه الكبائر .. يعنى لو رسول الله شافك دلوقتى مش هيرضى يبايعك..!! مستنيه ايه ؟؟ مستنيه عقوبه ربنا فى الدنيا ؟؟؟ ولا مستنيه سوء الخاتمه؟؟ ولا مستنيه عقوبه ربنا فى القبر..؟؟ ولا مستنيه اهوال يوم القيامه؟؟ ولا مستنيه عقوبه ربنا فى النار؟؟ مستنيه ايه؟؟؟ ده انت هتتحجبى غصب عنك حجاب شرعى كااااااااااااااااامل وانتى داخله قبرك.. خمس او ست لفات كفن ملفوفه فيهم .. وممكن تحجبيه فى الدنيا لو لا قدر الله اصبتى بحرق ولا حاجه هتبقى عايزه اى حاجه تدارى بيها الحرق ده ..!!! البسيه حبا قبل ما تلبسيه غصبا.. جسمك اللى كنتى بتغرى بيه الشباب هيبقى فى القبر وجبه غذائيه متكامله العناصر للدود.. اللى كان بيبص عليكى فى الدنيا لو بص عليكى فى القبر هيترعب من منظرك.. ويوم القايمه هيبقى موقفك ايه..؟؟ الرسول بيقول العنوهن فانهن ملعونات.. يعنى هتطردى من رحمة الله..ازاى؟ يعنى فى عز الحر هتطردى من ظل عرش الرحمن ..هتطردى من انك تشربى من ايد النبى .. وهتقابلى ربنا ازاى ..؟؟؟ قال رسول الله (يحشر المرء على ما كان عليه من ثياب) يعنى ثياب التبرج دى هتبعثى بيها ..اه ..طب ليه؟؟ ده الناس بتبعث عرايا ..علشان تميزى..وتتعرفى بالمعصيه الللى كنتى بتعمليها فى الدنيا..(يعرف المجرمون بسيماهم فيؤخذ بالنواصى والأقدام)) وبعد الحساب ..الى الناررررررررررررر.. يا جماعهه الواحد لما بيشوف فرن مولع بيقول الواحد لو دخل هنا هيحصله ايه؟؟ انتى مش عارفه ان شراب اهل النار نار ؟؟ انتى مش عارفه انت طعام اهل النار نار؟؟ انتى مش عارفه انت فراش اهل النار نار ؟؟ يا اختى كابرى فى اى حاجه الا مصيرك؟؟ بايدك تحددى مصيرك ..متتردديش فى القرار لما الرسول بيقول صنفان من اهل النار .. انتى عارفه يعنى ايه اهل النار ..لما واحد يعيش فى بيت كذا سنه بنقول ده من اهل البيت .. يعنى انتى هتبقى من اهل النار ..يعنى هتقعدى فى جهنم سنيييييين مش يوم ولا يومين....!! فى نفس الوقت كان ليكى قصر فى الجنه ضيعتيه من ايدك بتبرجك ..ايه اللى يستاهل يا اختى..؟؟ (ما من عبد الا وله بيت فى الجنه وبيت فى النار ) انت متخيلى جمالك فى الجنه هيبقى شكله ايه لو اطعتى الله ..هتبقى اجمل من الحور العين باذن الله.. والله يا جماعه المنقبه او المختمره بتبقى ملكه ماشيه فى الشارع .. ليه تحرمى نفسك من لذه الايمان .. الحقى اركبى فى قطر التوبه قبل ما يطلع.. فاكرين المرأه اللى جت للرسول تشتكيله الصرع وتطلب منه انه يدعيلها.. قالها اصبرى ولكى الجنه ..قالتله ولكنى اتكشف..يعنى صبرت على الصرع وماصبرتش على انها تتعرى..!! مع انها مريضه وليها رخصتها ..!! امال احنا هنعمل ايه؟؟؟ (ولا تبرجن تبرج الجاهليه الاولى) انتو عارفين يا جماعه تبرج الجاهليه الاولى يعنى ايه ..؟؟ كان النساء بيلبسو الطرحه فتبان حته من مقدمه راسها ورقبتها.. يعنى عمرنا ما سمعنا ان مراة ابو جهل لبست (بدى) ولا مراة ابو جهل لبست (استرتش)..ولا كانوا يرضوا يلبسوه..!! المسلمه دلوقتى ميتتعرفش من غير المسلمه من لبسها ....!! الحجاب يا جماعه عداد حسنات مفتووووووووووووووووح.. المليارات اللى احنا عديناها وانت متبرجه هتخديها حسنات .. يا بختك من قربك من الله ..يا بختك يا بختك..!! (فأى الفريقين أحق بالأمن) طيب ده بابا وماما مش موافقين .. يا اختى دى شطارتك بقى ...زى لما بتبقى عايزه فلوس او حاجه وبتعملى كل الطرق علشان يجيبهوهالك.. تقدرى تقنعيهم باذن الله بالحجاب الشرعى السليم.. هيقولولى انتى ضيعتى شبابك انت بتدفنى نفسك ..!!! خدى بالك لو صخره متينه وعمالين نحدف بالطوب مش هياثر فيها ..اوعى تسمع لاى كلمه من اى حد ..انتى اللى على الحق .. طيب ده زمايلى وأصحابى كلهم هيسبونى .. زمايلك واصحابك ولا ربنا ..!! مفيش وجه اختيار يا اختى .. طيب ده الناس هتتريق عليا وعلى لبسى .. لازم تستحملى وتعرفى ان هيجى اليوم اللى تتريقى انتى عليهم وانتى فى الجنه (فاليوم الذين امنوا من الكفار يضحكون على الارائك ينظرون ) واى شبهه الشيطان هيجيبهالك علشان تتاخرى فى التوبه لازم تشيلها من نفسك تماما .. مفيش وقت للتسويف ..اوعى تستنى .. نيجى لأهم نقطه فى الموضوع .. وهى صفات الحجاب الشرعى السليم .. لبس المرأه بينقسم الى الحجاب والجلباب.. مينفعش بقى ابقى لابسه حجاب شرعى وجلباب مخالف والعكس..!! الحجاب (حجاب سابغ مغطى نصف جسمك كله مش مثقوب ولا مطرز ولا ألوان الطيف ولا الكلام الفاضى ده كله) العبايه ( عارفه اسدال الصلاه اللى بتلبسيه هو ده ) اصلك واقفه بين ايدين ربنا فى الصلاه ..وفى نفس الوقت انتى برده بين ايديه فى الشارع يعنى جلباب مش تونيك ولا جيبه وبلوزه ولا بنطلون ..مفيش اى حاجه غير العبايه ..عبايه واسعه سابغه لا تصف ولا تشف واهم شرط انها متعرفش اللى يشوفك حجم جسمك .. يعنى متعرفش حد انك تخينه ولا رفيعه ..اى حاجه تانيه هتبقى فتنه..!! مفيش حاجه اسمها وسط للعبايه..!!! طويله بحيث انه لو قعدتى مفيش حاجه من جسمك تبان.. طب الالوان ..البسى اى لون بس اياكى من الالوان المتداخله فى بعضها والفاقعه والملفته اللى تخطف عين اللى يبصلك.. مفسدات الحجاب ..اللى يجيبو الحجاب بتاعك الارض.. 1- االبرفان 2- المكياج بكل انواعه 3- الكعب العالى درجات الحجاب.. 1-حجاب المراه الصالحه.. عبايه بنفس المواصفات السابقه وحجاب سواء ايشارب او خمار بنفس مواصفات الحجاب السابقه.. 2-حجاب المراه المصلحه.. النقاب ..بنفس المواصفات السابقه .. النقاب الحقيقى ..اللى فيه تقى لله عز وجل.. الفقهاء اختلفو قالو نقاب وخمار وانتى فى زمن الفتن واختارى ..؟؟ 3-حجاب المراه السابقه.. حجاب الجسم كما ذكرنا بالاضافه اللى الاحتجاب عن الرجال والبعد عن الاختلاط قدر الامكان .. يا جماعه مفيش وقت ..بلاش تسويف ..محدش عارف هيموت امتى ..وموت الفجاه شايفين قد ايه انتشر فى الزمن ده .. لو قابلتى ربنا هتقوليله ايه؟؟؟؟؟؟؟؟؟؟؟؟؟؟ مش عايزين خطوات ..يعنى هلبش الاول بنطلون واسع ..ويعدين اسدال وبعدين ..!! عايزين الخطوه الاولى ...خمار مع جونتى.. الخطوه التانيه نقاب .. الخطوه التالته عريس صالح .. الخطوه الرابعه الجنه باذن الله .. خليكى حاسمه ..خدى القرار فورا ..مش عايزين استعباد لشهواتنا اكتر من كده .. طيب انا مش معايا فلوس ..استلفى فلوس واشترى الزى الشرعى وربنا هيعوضك والله .. من وجد الله فماذا فقد ومن فقد الله فماذا وجد....؟؟؟؟ هدى الله نساء المسلمين اجمعين الى الحجاب الشرعى السليم .. والسلام عليكم ورحمة الله وبركاته.. تفريغ بتصرف لمحاضره مستنيه ايه للدكتور حازم شومان حفظه الله
http://www.goodwayinlife.com/forum/showthread.php?t=48074
monaya_rdak_yarb@yahoo.com
رابطة فتيات الاسلام
الايميل للبنات فقط

للامانة الموضوع منقول